BOB半岛健身房现在应该还算得上是个时髦个地方。我迭个人活到搿把年纪已经勿会赶啥个时髦了，健身房倒是成为了我每只礼拜侪要光顾个地方，也算身上向还剩下点时髦个因素。

　　我为啥会轧迭个时髦呢？一个原因：为了能够打网球。打网球是我勿到50岁个辰光就欢喜个，因为勒辣我看来，打网球勿仅能够锻炼身体个协调性，反应个灵敏度BOB半岛，而且还要讲究战略战术，打球个辰光还要动脑筋哪能样子才能战胜对手，赢得胜利。

　　我欢喜打网球以后，老资格个教练搭球友就告诉我：要辣白相网球个路浪向走得更加远，身体就需要足够个肌肉力量。我听取了伊拉个建议，十几年前头就走进了健身房。

　　现在进健身房锻炼还有一个名称叫撸铁。撸就是提手偏旁加一个粗鲁个鲁字。比起白相起来变化多端、乐趣无穷个网球，撸铁确实是显得单调又枯燥。健身房里个杠铃、哑铃、砝码，一只只侪是黑漆漆、冷冰冰、沉甸甸个铁家什，使用起来也是一个动作需要重复交关趟数，吃力勿讨好BOB半岛，谈勿上有啥个趣味性，需要个就是坚持、再坚持。

　　可能是来自爷娘个遗传，我个腿部力量一直比较差，两只老腿特别是小腿相当细，就像平常人家讲个“羊脚骨”。讲出来叫有点好笑，勿晓得啥原因，勒辣健身房锻炼了好几年BOB半岛，臂膊、背部咾啥比老早点强壮了，腿部个肌肉偏偏就是练勿出来，两只小腿还是那么细，更加勿要讲成为那种“肩胛阔、腰身细、大腿粗”个倒三角身体了。最让我感到沮丧个是：练了介许多辰光，人家偏偏看勿出我老王还是个一直勒辣健身个朋友。退休后个一天下午，我像模像样个背仔只健身包走勒辣街浪向，路浪向碰着个小青年拿一张广告宣传单塞到我个手里，拿起来一看，居然就是宣传健身房个。认认真真练了介许多辰光，别人还看勿出啥个名堂，还要劝我去健身BOB半岛。搿桩事体，真个是让我胸闷了好几日天。

　　胸闷归胸闷，锻炼还是需要个。我腿部个肌肉虽然勿大，但比起锻炼之前是结实了交关。勒辣健身个过程中，我慢慢叫认识到“打铁先要自身硬”这句老古话个丰富内涵，觉着自己打网球二十多年，现在快七十了还能勒辣球场浪奔啊跑，归根到底是得益于勒辣健身房坚持撸铁，呒没让自己个身体衰老得太快。健身锻炼勿是给别人看卖相、赶时髦，而是“肉素辣质里”，有一分辛苦，就有一分效果BOB半岛。哠咾我勿应该感到失落，而是应该为自己能够进健身房撸铁而感到庆幸，更加应该为自己能够赶上迭个时代而感到庆幸。前段辰光看到一些专家医生发出个短视频，侪辣讲老年人也要弄弄肌肉锻炼，用来减慢衰老个过程。看到搿眼物事，我勿仅呒没啥失落了，反而是暗地里有眼眼得意。

　　迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

　　本文为澎湃号作者或机构在澎湃新闻上传并发布，仅代表该作者或机构观点，不代表澎湃新闻的观点或立场，澎湃新闻仅提供信息发布平台。申请澎湃号请用电脑访问。